Doga - Haan toh jaisa ki hum sab jaante hain, Nagraj NWS mein bahut busy hai aur saath mein ek parallel series Nagayan bhi kar raha hai aur Dhruva toh pata hi nahi kahan chala gaya hai, isiliye maine aap sab heroes ko yahan bulaya hai tanki unka aane tak hum sab Dole-Shole bana lein aur aapni comicon ka satyanash kar dein. Toh chaliye shuru karte hain.
Bhokal - Kya TV par sundriyan dekhne ka time ho gaya?
Doga - Sabr karo mahabali, warna main tumhari biwion ko yeh bata dunga ki tum Pamela Anderson ke kitne bade Fan ho.
Kobi - Haan Mahajali moongfali, itna excited mat hoyo, tumhara dil hai ke samundar jab bhi koi kanya dekhi ussi ke picche pad jaate ho. Arey comic mein Censorship naam ki koi cheez hai ke nahi.
Doga - Haan toh paajiyon chalo shuru karein. Ok ab sab aapne-aapne haath bahar ko nikal lein, aur thoda sa ghutnon ko mod lein aur ab sab bolein AAH-OOH-AAH-OOH.....AAHHH-OOOHHH ke saath awaz mein zor le aayein. Yeh wali exercise subah Bathroom mein karne se Hip muscle relax hote hain.
Anthony - Par meri kabar mein toh Bathroom hi nahi hai.
Prince - Kanw-Kanw(Sharm karo Anthony. Aaj mujhe pata chala tumse woh sugandh kis cheez ki aati thi. Mera toh mann hi bhrasht kar diya. Main nahane ja raha hoon, agar peeche-peeche aaye toh tumhare peeche kauve chod dunga.)
Anthony - Arey Prince mujhe galat samajh rahe ho..arey suno toh sahi..Tumhare liye kaho toh Maxim magazine le aata hoon..Accha Crowboy chalegi kya..Ab mere liye Store se Playboy utha ker kaun laayega..Main bhi aa raha hoon Prince.
Doga - Haan toh unke jaane ke baad, baaki ke bache huye log yeh wali exercise karein. Subah 5 baje uth kar chatt par jaa ker Bhediyon ki tarah HU-HU-HU-HU karein. Aisa karne se "Main Bhi" jaisi ladkiyan pat jaati hain par thode se Consequences ho sakte hain isiliye aapne saath RC Forum member Ajay ki A.T.S.(Aatma Transport Sevice) Company ki Shield le jaayein.
Kobi - Kya, Main Bhi ki ladki pat jaayegi. Bhaad mein jaaye Jane, main toh chala. Main udi-udi jaawan, main "Main Bhi" phansawan...
Bhediya - Ruk ja dusht, aapni bhabhi par buri nazar se mat dekh.
Kobi - Abey jaa na Bhed ke bacche, tu toh sirf Hediya hai, B comic ke character, main A star hoon. Chal jo us tak pehle pahunch gaya ladki uski. Chalo bhaag.
Doga - Haan toh baaki ke log, Comic ki value badhane ke liye zor-zor se royein. Iss se Readers ke dil mein Emotions aa jaate hain, aur humara rona dekh kar aage se Comic-Ad dekh kar hi unka rona nikal jaayega. Yaad rakhiye sabhi ko Sensitivity pasand hai.
Bankeylal sabse zada ro raha hota hai.
Doga - Tum kyun itna zada ro rahe ho?
Bankeylal - Toh kya karoon, meri toh mat hi maari huyi hai, Comic ka rate 10 Rs aur badh gaya. Sabhi readers meri Comic ko laat maarne lage hain, aur jab maine Sanjay ji se darkhwast ki, ki meri Comics ko aur Humorous banayein toh unka kehna tha ki "Meri comics ke liye saare Jokes, The Great Indian Laughter Champions se utha ker laate hain aur un mein Navjot Singh Sidhu ka HEHEHE, daal dete hain, isiliye yeh dasha ho gayi hai". Buhuhuhu Hun sadda ki hou?
Doga - Yeh lo Puller machine, yeh button dabane se sab readers tumhari taraf khinch jaayenge. Ab jaao.
Bankeylal - Kutte, is mein battery toh daal dete.
Doga - Haan toh bhai, arey yeh kya keval Bhokal hi bacha hai. Gamraj, Steel aur Supi kahan hain aur Parmanu aur Fighter Toads ka kya hua?
Bhokal - Supi toh bahar Fighter Toads ke saath kanche khel raha hai, tanki uska Clone hone ka dukh thoda kam ho. Keh raha tha ki Fighter Toads bhi toh ek tarah se clone hi huye, isiliye Clone-Clone bhai-bhai. Aur Parmanu Jail jaane ke shock se paagal ho gaya hai aur kehta hai ki "Main Tiranga ka Side-character ban jaaunga, par Asbestos ki yeh costume nahi pehnunga, kyunki su-su karne mein problem aati hai isiliye meri Parmatma series ke liye mujhe bhi Nagraj jaisi Khaal laga do, chahe Yellow hi Spray paint kar dena." Aur Steel toh bahut bada ho gaya, kismat badal gayi uski. Kal hi China mein Photoshoot karke aaya hai, woh uski "Made in India" wali GF le kar gayi thi. Aur Gamraj toh wahan pada hua hai.
Doga - Gamraj, kya hua tum exercises mein participate nahi kar rahe?
Gamraj - Comic..low..Publicity..No dum..Energy nahi bachi...Chawanprash laa do..Comic nahi nikli.
Doga - Lagta hai tumhara Charas aur Afeem kha kar yeh haal ho gaya hai. Pehle hi kaha tha ki Drugs mat lo, par tum hoke poori shaunki character ho. Ab jaao, aapni agli Comic mein tumhe koi role de dunga.
Bhokal - Doga ab kya karein?
Doga - Theek hai bhai Exercises toh khatam ho gayin, ab chalate hain Beach par ghoomte hain. Suna hai wahan Visarpi roz aati hai. Aayo ab Adrak Chacha ki "Adrak and Bald Comic characters" meeting ka time ho gaya. Aur sunao tumhari agli series kab shuru ho rahi hai? Par mere paas Beach par ghumne se bhi badhiya idea hai, saath hi waale gym mein Monika Female characters ke saath exercise kar rahi hai. Chalo chal kar analysis karte hain.
Doga aur Bhokal chal kar Monika aur Female characters ki exercise dekhne lag jaate hain.
Monika - Ok girls, now put your hands up. Say with me One-Two, Trendy Baba we love you. Three-Four Ravi is such a bore...
Bhokal - Yeh Trendy Baba kaun hai?
Doga - Arey koi behroopiya aadmi hai, RC forum par Baba bana phirta hai. Wahan ke Members ki baatein Quote kar - kar ke khud ko Professional dikhata hai.
Bhokal - Chup kar nasamajh, Main Baba ka bahut bada fan hoon. Dusht, kambhakt main yahin dekhna chahta tha ki tera Baba ke baare mein kya reaction hoga. Bade muscle dikhata phirta hai na, kabhi Thigh muscle, kabhi Abs, kabhi Biceps..Chaddi phad dunga teri.
Doga - Dekh chaddi par buri nazar mat daal.
Bhokal - Ok man cut the tape, Author kaun hai iss story ka. Kambhakt, ke maare ko zameen par patka kar THS prop ke liye taiyar kar dunga. Chaddi kyun kheenchun main iski. Kaun likh raha hai yeh sab? Agli Comic mein tentua daba dunga Author ka jo mujhe iss waqt likh raha hai. Aur tum sab jo mujhe phad rahe ho, zada mat dekho warna geeli maar kar aankhein phod dunga tumhari...
Doga hakka - bakka wahin khada raha.
No comments:
Post a Comment